De Tatermenkes effe “ Out of construction ”
’t (vastelaoves) sezoen is veur de Tatermenkes weer aafgeloupe. Zie zin ederjaor actief van 11 november tot hawf vaste, donao stoume ze hun pekkes hange ze ein hawf jaor in de kas. ’t Aafgeloupe sezoen waor eint ôm njawts te vergaete mit völ hoagte punten b.v.de veurbereidingen en opnames van hun jѐste CD,’t Steinder Vastelaoves leedjes Konkoer, veul sjwan optraejes in Stein en omstreke en neet te vergaete de Steinder middig mit hun Cd Presentatie. Aug biezunjer waor ein speciaal project bie Jan Linders in Stein.
Dao neave moch Henk samen mit zien Jennie Bok en Geit van Stein waere.
De samenwirking mit vereinigingen, maatschappelikke organisaties en de Steinder artieste waor grandioos.
Wilt geer ’t nog ens allemaol terök zin, bekiek dan de filmpkes of foto’s op dees site.
In de stille periode die noe aankumt gaon veer os bezig hauwe mit ’t nuuj sezoen. Kieke wat veer weer ug in petto höbbe kommend jaor. Zeker is dat t Steinder Leedjes konkoer mѐr aug de Steinder middig steit weer op de agenda. Ongetwiefeld zulle d’r aug weer get nuuj leedjes waerre opgenome. Laot ug mèr verrasje.
Veer danke ederein veur de belangstelling die v’r mochte genete en houpe ederein ’t nuujn sezoen hie of dao taege te komme.
Veer groete ug : allaaf en tot 11 November 2011
Joop en Henk
De Tatermenkes oet Stein
Steinder Middig mit CD presentatie Tatermenkes bie Cafe Jacobs ein groat succes.
Mit veul plezeer kiek veer terök op eine geslaagde Steinder Middig. Dankzij de spontane mitwirking van ederein is ,t eine onvergaetelike daag gewoore. Veer haupe dan aug van harte dat de Steinder Middig ein vas plekse kriet in ’t vastelaoves seizoen in Stein, en ein podium geit waere veur al ôs Steinder artieste. Cafe Jabobs hѐt vanaaf drie oer tot midde in de nach bol gestange van Steinder mesiek, spjas en plezeer. Zowaal de Steinder artieste es de Steinder luuj höbbe genote van ein keur aan platte leedjes. De inzѐt van ederein en de kwaliteit waor van ein biezönjer hwaog nivo. Gistere is weer ens beweze dat dao volop belangstѐlling veur is van zwoa waal de artieste ès de Steinder vastelaoves luuj. De Tatermenkes en CV Nieuwdorp zin dan aug blie dat v’r dit saame höbbe kenne organisere en wille ederein bedanke dae op de ein of anger meneer zien biedrage hét geleverd aan de Steinder Middig.
Op de Steinder Middag höbbe veer ôs nuuj CD “Tater Mit ôs Mit” kѐnne presentere en dees CD is door de luuj biezonjer good ontvange. Ze ginge es zeute breudjes euver de twaonbank. Vieftjen leedjes, woovan 8 vonkelnuuj staon op de CD. Neet allein vastelaoves leedjes mѐr aug anger items vorme op het moment ’t repertwaor van de Tatermenkes. Ein CD die in eder Steinder hoeskamer toes weurd, venje veer. Höb geer intresse in dit musikale lekkerbiske stuur ôs dan via dees site ein berigske. De rès reigele veer dan. Veur € 10,- hob geer ein klein oer swjanne mesiek in hoes. Natuurlik kent geer oug effe belle mit Henk 06-46 71 47 51 of Joop 06-22 40 72 96 of te waal De Tatermenkes.
DE TATERMENKES WEER AAN DE GANG
De elfde van de elfde komt d’r weer aan en de Tatermenkes zin weer onger dae Taterstein oetgekrope. Mèr ze höbbe de teruk likende tied neet stil gezaete. Veer zin in studio Tijacoustic in Uermend gewaes en höbbe dao onger ’t streng regime van Jean Janssen eine houp nuuj leedjes opgenôme die op ôs nuuj CD kômme te staon. De primeur van ein van de leedjes haet Ton Lexis gehad en waal van ’t nummer doe dènks mèr dat’s doe alles moags van mich. Daoneave weurd ein van de leedjes gepresenteerd bie Cafè Lies Jacobs op de Oktoberfeaste en ein bie ‘t Steinder Vastelaoves leedjes concour op de elfde van de elfde inde Fanfare zaal in Auwt Stein. De res van de leedjes waere gepresenteerd bie ös CD presentatie die in Januari 2011 is gepland. Zoagauw hie mjè nuujs euvers is laote ver uch dit weite. Dus ger zeet aucg dit jaar gaon weer d’r weer good taege aan.